Kryeministri izraelit Naftali Bennet tha se presidenti rus Vladimir Putin i kërkoi falje për komentin e ministrit të jashtëm rus Sergei Lavrov se Adolf Hitleri kishte origjinë hebreje. Në një bisedë përmes telefonit Putin i tha Benett se Rusia do të lejonte kalimin e civilëve në fabrikën e rrethuar të çelikut “Azovstal” në qytetin port të Mariupolit, në një korridor humanitar të organizuar nga Kombet e Bashkuara dhe Kryqi i Kuq. Zyra e qeverisë izraelite kishte kërkuar kalimin e civilëve nga fabrika e çelikut, pas një bisede të mëparshme me presidentin ukrainas Volodymyr Zelensky. Izraeli kritikoi ministrin e jashtëm rus Sergei Lavrov këtë javë pas deklaratës së tij se Adolf Hitleri kishte rrënjë hebreje, duke i quajtur këto komente si një gënjeshtër të pafalshme rreth mizorive të nazistëve gjatë Holokaustit. Sergei Lavrov i bëri këto komente të dielën kur u pyet se përse kishte thënë se Ukraina duhet të denazifikohet kur vetë presidenti Zelensky është hebre.