Top News- E ardhmja e Rusisë nuk duket e mire!/Putin në Ukrainë e privoi veten nga ‘fitorja e madhe’

Deri në shkurt të këtij viti, kujtimi i fitores në Luftën e Dytë Botërore ishte baza e identitetit rus. Të gjitha sondazhet dhe studimet që nga fundi i viteve 90 tregonin se sa e rëndësishme ishte kjo fitore në ndërgjegjen publike të Rusisë. Jo më kot regjimi i Putinit e bëri kujtimin e asaj fitoreje si elementin më të rëndësishëm me të cilin duhej të mbahej e bashkuar shoqëria ruse. Viktimat e Luftës së Dytë Botërore përkujtohen me fushatën “Regjimenti i Pavdekshëm”. Ideja për këtë fillimisht erdhi nga shoqëria, si një alternativë ndaj patosit të fitores shtetërore dhe parullave të tilla si: “Ne mund ta bëjmë sërish”.