Mijëra njerëz kanë rënë pre e një mashtrimit në Indi, duke marrë vaksina false anti-COVID. Autoritetet kanë njoftuar se autoritetet shëndetësore që kryejnë procesin, u kanë dhënë rreth 2.500 njerëzve vaksina të mbushura me ujë dhe kripë. “Ata po përdornin ujë të kripur dhe po e injektonin atë,” ka deklaruar Vishal Thakur, zyrtar policie në Mumbai. Ai ka njoftuar se vaksinimi i rremë po bëhej nëpër disa qendra ta vaksinimit, ndërkohë që janë arrestuar rreth 14 mjekë dhe zyrtarë të shëndetësisë. Mes të arrestuarve janë edhe Dr. Shivraj Pataria dhe e shoqja e tij, që janë edhe pronarët e spitalit Shivam në Mumbai, që tani është vënë nën sekuestro nga policia. Bëhet e ditur se autorët e krimit kanë fituar rreth 28 mijë euro në total nga këto vaksina të rreme. Policia po vazhdon hetimet. India është ndër shtetet më të prekura nga koronavirusi në botë. Qindra mijëra njerëz kanë vdekur, ndërkohë që për shumë prej tyre nuk ka pasur hapësira të lira për t’i varrosur.