Një dron rus raportohet se është rrëzuar në Ukrainë pas pretendimeve se ai kishte fluturuar në hapësirë ajrore polake. Droni, pretendohet se kishte fluturuar fillimisht mbi qytetin ukrainas Yavoriv, para se të fluturonte drejt polonisë, ku ai shkeli territorin e NATO-s. Forcat e armatosura ukrainase thanë se droni mendohet se po bënte një vlerësim të dëmeve që ishin shkaktuar mbi bazën ushtarake Yavoriv, afër Lvivit gjatë fundjavës pasi një sulm me raketa i mori jetën të paktën 35 personave. Zyrtarët e ushtrisë thanë se ai kishte fluturuar mbi Poloni para se të kthehej në hapësirë ajrore Ukrainase, ku edhe u qëllua nga sistemi i mbrojtjes ajrore të vendit. Një zëdhënës i forcave ukrainase tha: Ashtu sic e shohim ne, pushtuesit vazhdojnë me veprime provokative, pa asnjë hezitim, e madhe guxojnë të fluturojnë edhe në hapësirë ajrore të vendeve anëtare të NATO-s’. Forcat e putinit sulmuan bazën ushtarake ukrainase vetëm pak km larg kufirit polak, mëngjesin e të dielës. Sulmi, që shkatërroi bazën ushtarake Yavoriv, afër Lvivit, vrau 35 persona dhe lëndoi 134 të tjerë. Forcat e putinit lëshuan më shumë se 30 raketa kruiz mbi bazë duke shtyrë autoritetet të paralajmëronin se Putini mund të fillonte të provokonte vendet e natos. Pas këtij sulmi, sekretari britanik i shëndetësisë, Sjid Javid, paralajmëroi se Britania do të shkonte në luftë, menjëherë, nëse putini do të sulmonte një vend të NATO-s.