Top News- Dronët ukrainas shkatërrojnë raptorët rusë/Afër Ishullit të Gjarprit, ku u fundos ‘Moskva’

Ky është momenti i pabesueshëm kur një dron ukrainas shkatërron një barkë patrullimi ruse në detin e zi. Videoja e regjistruar nga një dron Bayraktar, mbi ishullin e gjarprit, tregon mjetin e telekomanduar në distancë që shkatërron një anije raptor në det. E kjo është një nga dy anijet ruse të patrullimit të shkatërruara një ditë më parë. Shefi i shtabit të përgjithshëm të Ukrainës, Valeriy Zaluzhniy, shkruan në facebook: dy anije ruse të klasit Raptor u shkatërruan në perëndim afër Zmiinyit, ishullit të gjarprit. “Bajraktarët po funksionojnë. Bashkë drejt fitores!” shkruante Zaluzhniy. Anijet Raptor raportohet se janë përdorur për të evakuuar personelin ushtarak rus nga ishulli i gjarprit për ti zëvendësuar me trupa të reja.