Izraeli ka përdorur dronë me inteligjencë artificiale për të kryer sulme mbi militantët e hamasit në atë që besohet se është përdorimi i parë i teknologjisë në botë. Forca izraelite e mbrojtjes ka dislokuar ‘tufën’ e dronëve për të lokalizuar dhe vënë nën shënjestër militantët e hamasit që supozohet se kanë hedhur raketa në izrael në maj. Dronët zakonisht drejtohen nga një operator njerëzor, por ‘tufa’ e dronëve përfaqëson një hap përpara në teknologjinë ushtarake duke fluturuar si një rrjet i integruar i kontrolluar nga inteligjenca artificiale. Tufa kërkon një operator të vetëm human të drejtojë të gjithë dronët dhe këta të fundit më pas veprojnë për të lokalizuar objektivat si një njësi e ndërlidhur. Lajmi vjen vetëm pak javë pasi izraeli njoftoi testimin e suksesshëm të një sistemi të ri mbrojtjeje me lazer që mund të rrëzojë raketat armike duke bërë një vrimë në to.