Shqipëria edhe këtë vit kategorizohet e përgatitur në mënyrë të moderuar për anëtarësim në Bashkimin Europian sa i takon shtetit ligjor dhe funksionimit të sistemit të drejtësisë. Në këtë kapitull, draft raporti i progresit të Bashkimit Europian vëren progresin e arritur ën zbatimin e reformës në drejtësi, por kërkon forcim të llogaridhënies, përshpejtim të procesit të zëvendësimit të vakancave të krijuara nga vetting dhe përmirësim të efikasitetit të vendimeve në drejtësi. Notat më pozitive në draft raport jepen për Prokurorinë dhe Gjykatën e Posaçme. SPAK vlerësohet si për luftën ndaj krimit të organizuar, ashtu edhe për atë ndaj korrupsionit në nivelet e larta. Komisioni Europian thotë se SPAK hetoi dhe gjykoi çështje korrupsioni komplekse, përfshirë ato ndaj politikanëve të nivelit të lartë. Draft raporti citon edhe hetimet e nisura nga Prokuroria e Posaçme në dosjen për abuzimin me fondet e Bashkimit Europian.