Javën e kaluar, pati një alarm për sulm ajror në kryeqytetin lituanez, Vilnius. Presidenti dhekryeministri u strehuan në një bunker. Fluturimet u anuluan dhe mijëra njerëz kërkuan siguri në parkingje nëntokësore. Dronët fluturuan në qiell. Alarmi ishte i fundit në një seri ngjarjesh të tilla në të gjitha vendet lindore të NATO-s në muajt e fundit. Dronët kanë rënë në Lituani, Estoni, Letoni dhe Finlandë. Dhe megjithëse vijnë nga hapësira ajrore ruse dhe bjelloruse, dronët në fakt janë ukrainas dhe janë lëshuar mbi objektiva në Rusi. Por Rusia ka rrëmbyer elektronikisht dronët ukrainas dhe i ka dërguar ata në hapësirën ajrore të NATO-s. Dhe rusët e bëjnë këtë kryesisht përmes bllokimit të sinjalit të navigimit satelitor, GPS apo falsifikimit të këtij sinjali. Ky i fundit, është shumë efikas dhe rusia i ka burimet për ta bërë. Dhe rastet e fundit të dronëve mbi vendet baltike, janë orkestruar nga Kaliningradi, enklava ruse në bregdetin mes polonisë dhe lituanisë. Transmetuesi i kaliningradit ka qenë aktiv për vite me radhë. Dhe kjo është lufta hibride e Putinit kundër NATO-s. Në këtë mënyrë, ai po përdor armët e ukrainës për të goditur vetë aleatët e saj.