Vajza e Princ Lekës dhe Elia Zaharias, Geraldina ka festuar disa ditë më parë ditëlindjen e saj të katërt, ndërsa këtë të diel babai i saj ka publikuar pamje nga festa përrallore. Princ Leka ka shpërndare në rrjetin social Instagram pamjet nga festa e 4-vjetorit të vajzës së tij, ku nuk ka munguar partnerja e re e tij, fotografja Blerta Celibashi. “Dje festuam një moment magjik për Geraldinën. Nga shkëlqimi i flokëve të borës te tingujt e të qeshurave, mbretëria jonë me temën e Frozen u mbush me ngrohtësi dhe mirësi. Ndjejmë mirënjohje të thellë për çdo mik që na u bashkua, jo vetëm për të ndarë këtë festë, por për të bërë këtë ditë plot gëzim, dashuri dhe lumturi të vërtetë. Ishte me të vërtetë një takim zemrash të mira, një mbledhje që na kujtoi forcën dhe bukurinë e miqësisë”, shkruan Princ Leka krahas pamjeve nga festa. Pjesë e të ftuarve ishin edhe shumë personazhe publik.