Këto janë pamjet ku disa persona konfliktohen fizikisht me punonjësit e policisë në Vlorë. Ngjarja ndodhi mbrëmjen e të premtes në zonë ne Lungomares. Nga goditjet u lënduan dy policë të cilët ndodhen në spitalin e Vlorës pasi pësuan fraktura në trup. Shkak për ngjarjen u bë një gjobë e uniformave blu ndaj një të riu që po lëvizte me një motor elektrik që ishte konstatuar pa maskë. Mjeti ishte lëshuar me qera nga vëllezërit Klaudio dhe Rudi Pashaj. Gjatë momentit që policët e rrugores I komunikuan drejtuesit masën e kundravajtjes drejt tyre shkuan dy vëllezërit Pashaj që pas debatit sulmuan me grushta e sende të tjera efektivët. Në konflikt u përfshinë dhe persona të tjerë. Pas rastit u prangosën vëllezërit Pashaj, të cilët edhe aktivitetin pas verifikimeve rezultoi se ushtronin pa licencë, duke zaptuar hapësirën publike. Ndërohë vijon puna për identifikimin dhe kapjen e personave të tjerë që goditën punonjësit e policisë.