Vijon fluksi I madh I automjeteve në pikën kufitare të Kakavijës. Dhjetra udhëtare janë në pritje për të kaluar kufirin nga Shqipëria drejt Greqisë, mirëpo sa duket procesi i kalimit është shumë I ngadalësuar, për pasojë është krijuar një rradhë e gjatë automjetesh. Edhe pse vendi ynë është jashtë zonës së kuqe të Covid 19, udhëtarët duhet të jenë të pajisur me testin e shpejtë ose PCR, ose të jenë të pajisur me pasaportën e vaksinimit. Mirëpo edhe pse udhëtarët paraqiten me testin e kryer, ku rezulton se janë negativë ndaj covid 19, pala greke kërkon ribërjen e testit, pasi aludon për një test të përgënjeshtruar. Duke qenë se në pikën kufitare, kryehet edhe një herë testi anti covid, rradha shtohet akoma më shumë, ndërsa pritet për konfirmimin e përgjigjes negative. Mirëpo, përvec testit të shpejtë I cili krijon vonesa, në palën greke vetëm një sportel është aktiv, për verifikimin e procedurave, për pasojë rradha vijon të jetë e ngjeshur, në pritje të kalimit. Ndërkohë që pala shqiptare ka vendosur 5 sportele në dispozicion të udhëtarëve, në mënyrë që të shmanget fluksi I madh. Disa prej udhëtarëve u shprehen se shteti shqiptar duhet t’i jap fund radhëve të gjata në kufi. Sipas tyre e njëjta histori përsëritet prej 30 vitesh.