Debatet e fundit për një non-paper sllovan ka ngjallur debate ku reagimi më I fundit vjen nga kryeministri Edi Rama. Me tone të ashpra, kryeministri Rama I është përgjigjur artikullit të “Der Standard” lidhur me teorinë e ndryshimit të kufijve në rajonin e Ballkanit. Me anë të një postimi në Tëitter, kreu I ekzekutivit, shkruan se kurrë nuk ka dhënë asnjë koment lidhur me dokumentin “non paper”, i cili ka si projekt autonominë e Kosovës së Veriut. Ndërsa shton se as ka komentuar projektin e homologut slloven Janez Jansa për shpërbërjen e Bosnje Herzegovinës edhe pse pak kohë më parë në një studio televizive pranoi se e kishte parë hartën dhe se nuk kishte asnjë koment. “Çfarë zhgënjimi për të parë një gazetë kaq me reputacion të mirë të sillet si një përhapës i lajmeve të rreme! Unë kurrë nuk kam thënë ndonjë gjë në lidhje me “non paper dhe hartë” dhe kurrë nuk kam mbështetur ndonjë rishikim kufiri përgjatë vijave etnike midis Serbisë dhe Kosovës. E turpshme!,”-shkruan Rama. Po çfarë shkruante “Der Standard” për kreun e qeverisë shqiptare? “Kryeministri shqiptar Edi Rama u tha mediave shqiptare se ai kishte parë hartën me ndryshimet e propozuara të kufirit. Vetë Rama, së bashku me Vuçiç dhe lobistë, miratuan ndryshimin e kufijve përgjatë vijave etnike midis Kosovës dhe Serbisë tre vjet më parë,”-shkruhet ndër rreshta. Dokumenti u publikua për herë të parë më 12 prill, ndërsa fillimisht u aludua se kishte “dalë” nga zyra e kryeministrit të Sllovenisë, Janez Jansa. Nga mediat u raportua se harta e ndryshuar e Ballkanit iu dërgua kreut të Këshillit Europian, Charles Michel. Por Jansa e mohoi, ndërsa eurodeputetja Tanja Fajon kërkoi kujdes me deklarata të tilla, duke ngitur shqetësimin për nisjen e një lufte mes vendeve.