Inteligjenca artificiale po ndihmon historianët të zbulojnë dokumente sekrete dhe kode të lashta që kanë mbetur të padeshifruara për shekuj. Një prej rasteve më të njohura është “shifra Borg”, një dorëshkrim 400-vjeçar i ruajtur në bibliotekën e Vatikanit, i mbushur me simbole të panjohura dhe receta misterioze mjekësore. Studiuesit arritën ta deshifronin me ndihmën e teknologjisë, duke zbuluar trajtime të pazakonta të kohës. Ekspertët thonë se rreth 1% e materialeve në arkiva dhe biblioteka në botë janë të koduara plotësisht ose pjesërisht. Këto dokumente fshehin informacione mbi diplomacinë, ritualet sekrete, njohuritë mjekësore apo edhe histori personale dhe letra dashurie. Në disa raste, deshifrimi i tyre ka ndryshuar mënyrën si kuptohet historia, siç ndodhi me letrat sekrete së Skocisë. Procesi i deshifrimit mbetet i vështirë, pasi dokumentet janë shpesh të dëmtuara, të shkruara me dorë dhe me simbole të panjohura. Megjithatë, platforma të inteligjencës artificiale po përshpejtojnë punën, duke kthyer tekstet e vjetra në versione digjitale dhe duke analizuar modelet e kodeve. Studiuesit po zhvillojnë tashmë sisteme që mund të deshifrojnë tekstet direkt nga fotografitë e faqeve, pa pasur nevojë për transkriptim manual.