Koreja e Veriut ka sugjeruar se shpërthimi i koronavirusit filloi tek persona që kishin patur kontakte me ‘gjëra aliene’ që fluturonin nga Koreja e Jugut në atë që duket si një përpjekje qesharake për ta bërë përgjegjës vendin fqinj për pandeminë në mesin e tensioneve në rritje për shkak të programit bërthamor të Kim Jong Unit. Aktivistët prej vitesh kanë lëshuar balona të fryra nga përtej kufirit koreanojugor për të lëshuar me qindra e mijëra fletëpalosje propaganduese, kritike ndaj liderit koreanoverior, duke zemëruar qeverinë e tij që në mënyrë të përsëritur denoncon lidershipin koreanojugor se nuk i ndalon ata. Autoritetet globale të shëndetit thonë se transmetimi i covidit nga sipërfaqja e materialeve është virtualisht i pamundur ndërsa ministria koreano jugore e unifikimit thotë se nuk ka mundësi që virusi të ketë hyrë në veri përmes gletëpalosjeve dhe balonave të lëshuara nga përtej kufirit. Pasi pretendoi për më shumë se dy vjet se ishte pa covid, koreja e veriut pranoi më 12 maj se pandemia e kishte prekur edhe atë duke thënë se një numër i paspecifikuar personash në penian ishin diagnostikuar me variantin omicron. Që atëherë, koreja e veriut ka raportuar 4.74 milionë raste me ethe në një popullatë prej 26 milionë banorësh por vetëm një fraksion të tyre i ka identifikuar si covid 19. Koreja e veriut thotë se 73 persona kanë humbur jetën, një shkallë vdekshmërie kjo ekstremisht e ulët.