Koronavirusi mund të ketë qarkulluar në Itali në tetor 2019, sipas një kërkimi të fundit që hedh më shumë dyshime mbi origjinën e vërtetë të Covidit. Kina nuk njoftoi botën për virusin misterioz që qarkullonte në Vuhan, qytetin në qendër të pandemisë, deri në dhjetor 2019. Zyrtarët e pekinit kanë insistuar se virusi u shfaq në mes të dhjetorit, por një mal me studime që atëherë, kanë hedhur hipoteza nga më të ndryshmet. Tani, ritestimi i dhjetëra kampionëve të gjakut nga disa pacientë në itali, sugjeron se infektimi ishte i përhapur në këtë vend muaj para se të gjithë të mësonin për virusin. Rezultatet treguan se kampioni i gjakut në një pacient me kancer, i marrë në tetor 2019, kishte antitrupa që luftonin covidin. Ekspertët thonë se zbulimi i tyre është një sinjal i besueshëm se virusi ka qarkulluar shumë më herët nga sa mendohej deri më tani, por thonë se nevojiten edhe prova të tjera për ta vërtetuar këtë. Vetëm nivele të ulëta antitrupash janë konstatuar, cka e bën të vështirë daljen në përfundimin se pacientët kanë patur covid në atë kohë. Shkencëtarët në Milano pranojnë se zbulimet mund të jenë edhe pozitive fallse dhe ekspertë të papërfshirë në studim sugjerojnë se koronaviruse të tjera në qarkullim në atë kohë mund të kenë shkaktuar reagimin imunitar. Covidi u konfirmua zyrtarisht në evropë në shkurt të vitit të kaluar, por koha e saktë e shfaqjes së tij mbetet nën hetim.