Kosova regjistroi gjatë 24 orëve të fundit 9 viktima nga koronavirusi dhe 120 raste të reja. Numri total i jetëve të humbura atje arrin kështu në 525. Sipas të dhënave të Institutit Kombëtar të Shëndetit Publik (IKSHPK), janë regjistruar edhe 122 të shëruar ndërsa rastet aktive aktualisht janë 3,334. Që prej 13 marsit, kur u shënuan infektimet e para në Kosovë, autoritetet shëndetësore kanë raportuar për 13,454 të prekur nga Covid-19. Por një lajm I mirë mbërrin ndërkohë nga Maqedonia e Veriut, ku ka pasur vetëm 11 raste të tjera të prekursish nga koronavirusi, shifra më e ulët kjo në 5 muajt e fundit. Vendi fqinj regjistroi edhe 3 viktima, përfshirë një pacient të moshës 51 vjecare nga Gostivari. Kryeministri Zoran Zaev deklaroi se sektorin e shëndetësisë do ta ketë prioritet në punën e qeverisë së re.