Kalimi i ciklonit Agatha është shoqëruar me shira të rrëmbyeshëm, që kanë goditur shumë provinca si edhe kryeqytetin e Kubës, Havana, duke lënë të paktën dy viktima, një të zhdukur, një të lënduar dhe mijëra banorë ka energji elektrike. Shira të rrëmbyeshëm dhe stuhi elektrike kanë prekur rajonet perëndimore dhe qendrore të Kubës me një akumulim reshjesh prej më shumë se 200 milimetrash që do të vazhdojnë për gjatë fundjavës – thanë meteorologët. Dhe bëhet fjalë vetëm për bishtin e Agatha-s, uraganit që goditi brigjet e paqësorit në meksikën jugore dhe që kur doli mbi atlantik u bë një ciklon i mundshëm tropikal i kategorisë një – sipas qendrës së uraganëve në Miami të Floridas. Zona të kryeqytetit kuban u përmbytën, përfshirë Havanën e vjetër dhe Havanën qendrore. Imazhet në mediat shtetërore tregonin skuadrat e shpëtimit në havanën qendrore duke evakuuar njerëzit me kanoe. Në një takim për vlerësimin e dëmeve dhe koordinimin e veprimeve, shtabi i emergjencave raportoi se ka patur 40 rrëshqitje toke në kryeqytet dhe se 398 banorë ishin evakuuar. Ka patur ndërkohë probleme edhe me linjat e shpërndarjes së energjisë elektrike. Agatha u shoqërua me erëra që kapnin shpejtësinë e 65 km në orë. Sezoni i uraganeve fillon cdo vit më 1 qershor dhe përfundon më 30 nëntor për atlantikun verior, gjirin e meksikës dhe zonën e karaibeve. Pamjet: AFP