Pak ditë para zgjedhjeve, kreu i Komisionit Qendror të Zgjedhjeve Ilirjan Celibashi, ka zhvilluar një takim me gazetarët. Gjatë fjalës së tij ai ka paralajmëruar komisionerët dhe veçanërisht numëruesit e votave se do të ketë sanksione të ashpra nëse bëhen lojra për të bllokuar shpalljen e rezultatit të zgjedhjeve. “Ne jemi përpjekur dhe po vazhdojmë që rezultatin ta kemi brenda 48 orëve, koha dhe procedura që ne kemi përfshirë në aktet tona normative, e mundësojnë këtë, natyrshëm që duhet të llogarisim edhe vullnetin e komisionerëve Jama i sigurt se qoftë partitë dhe komisionerët e kanë ku Kreu i KQZ, Ilirjan Celibashi, foli për hapjen e kutive të votimit të 25 prillit, nëse një gjë e tillë do të kërkohet nga një subjekt politik. Ai theksoi se kushdo që do të kërkojë hapjen e kutive, KQZ do t’i hapë dhe do të bëjë vlerësimin e tyre. Sipas Celibashit, nëse rezultati i këtyre fletëve nuk do të jetë i njëjtë me atë të dalë më parë, do të përballen me sanksione të rënda 1 deri në 7 vite burg përgjegjësit. “Ka një gjë që dua ta sjell në vëmendje. Me dispozitat e reja të Kodit Zgjedhor është sanksionuar e drejta e çdo subjekti, që qoftë dhe pa asnjë arsye apo shkak të kërkojë hapjen e kutive të votimit dhe të bëhet vlerësimi ose këqyrja e fletëve të votimit për të parë nëse votat janë në përputhje me rezultatin, që kanë konfirmuar komisionerët apo jo.