Serbia vijon të mos ndahet nga e kaluara e saj e errët, ndonëse liderët e saj aktualë janë angazhuar për një të ardhme drejt Perëndimit dhe anëtarësimit në Bashkimin Europian. Gjatë një interviste kryeministrja e Serbisë, Ana Brnabiç bëri një deklaratë tronditëse duke thënë se në Kosovë nuk ka ndodhur genocid gjatë periudhës së luftës në vitin 1999. E pyetur nga gazetarët për shifrat dhe jetët e humbura e të dhunuarve gjatë luftës, Bërnabiç u shpreh se numrat përmenden vazhdimisht nuk ekzistojnë, sepse sipas saj këto krime nuk kanë ndodhur. “Në Kosovë dhe Metohi nuk ka ndodhur gjenocid. Nuk ka asnjë dënim apo rast që lidhet me këtë gjë. Territori i Kosovës dhe Metohisë deri sot është një prej territoreve post konflikti me më së paku persona të kthyer nga gjithë zonat e pas luftës në botë.