Plani I shumëdiskutuar I qeverisë së britanisë së madhe për të transferuar në Ruanda azilkërkuesit që kanë hyrë në mënyrë të paligjshme në mbretërinë e bashkuar, ka marrë dritën e gjelbër nga parlamenti, pas një debate maratonë në dhomën e lordëve dhe komuneve, që zgjati deri natën vonë. Anëtarët e dhomës së lordëve, që ekzaminojnë propozimet legjislative, kanë shtyrë në mënyrë të vazhdueshme planin e amenduar tek parlamentarët e dhomës më të ulët, por në fund kanë pranuar të mos bëjnë modifikime të tjera, duke mundësuar kthimin e tij në ligj tani. Kryeministri britanik, Rishi Sunak, e konsideroi miratimin një vendim historik dhe tha se tani asgjë nuk mund të pengojë më autoritetet në ndalimin e valës së emigrantëve në vend. Por pak orë pas miratimit të ligjit, një barkë me emigrant u përmbys në kanalin anglez, me autoritetet franceze që floën për pesë viktima. Ministri I emigracionit të paligjshëm, Majkëll Tomlinson, insiston se efekti zbrapës I ligjit do të ndjehet menjëherë. Projektligji, e konsideron Ruandën një vend të sigurt dhe është pjesë kyce e planeve të qeverisë britanike për të kthyer në shtëpi azilkërkuesit nga atje, pa hyrë fare në britani. Projektligji është kritikuar ashpër nga partitë e opozitës por pas disa debatesh, lordët hoqën dorë nga kundërshtimet e tyre. Grupet e të drejtave të njeriut thonë se projektligji bie ndesh me ligjet ndërkombëtare ndërsa torturojnë të mbijetuarit dhe refugjatët e tjerë në rrezik, dhe skema, sidoqoftë, mund të bllokohet përsëri në gjykata. Edhe organizata e kombeve të bashkuara ka paralajmëruar se e gjithë kjo përbën një precedent shumë të rrezikshëm. Pas miratimit të projektligjit ka reaguar edhe ambasada britanike në Tiranë në platformën sociale X, duke nënvizuar se ai do të parandalojë tani përdorimin e sfidave ligjore për të vonuar largimin e azilkërkuesve në Ruandë.