Presidenti i Argjentinës, Alberto Fernandez, ka ndezur një stuhi të vërtetë në Tëitter dhe ka ndezur një debat të ashpër rajonal pas komenteve të bëra ndërsa po takohej me kryeministrin spanjoll, Pedro Sanchez. “Meksikanët erdhën nga indianët, brazilianët dolën nga xhungla, por ne argjentinasit erdhëm me anije. Dhe ato anije ishin nisur nga evropa”, tha Fernandez duke iu referuar kështu shumë emigrantëve evropianë që kishin shkuar në argjentinë. Ai më vonë kërkoi ndjesë për komentet dhe tha se diversiteti i vendit të tij ishte dicka që ngjallte krenari. Fernandez në fakt duket se e ka marrë frazën nga një këngë, e një muzikanti vendas, Lito Nebbia, ndaj të cilit presidenti vetë ka shfaqur admirim në më shumë se një rast. Komentet ndezën një reagim viral në mediat sociale, me shumëkund që do të kritikonte liderin e qendrës së majtë për pandjeshmëri raciale. “Unë nuk doja të fyeja askënd, sidoqoftë, kushdo që është ndjerë i fyer apo i padukshëm, unë i kërkoj ndjesë”, tha ai në Tëitter.