Shefi i Urgjencës Kombëtare, mjeku Skënder Brataj në një postim të bërë në Facebook, ka publikuar një studim të bërë nga ‘British Medical Journal’, ku thuhet se personat e vaksinuar edhe ata të pavaksinuar kanë të njëjtën ngarkesë virale. Sipas këtij studimi, vaksinimi mbetet mbrojtës shumë i lartë, por nuk është i mjaftueshëm për të ndaluar përhapjen e variantit delta. “Testet e kryera nga data 3 deri në 17 korrik midis banorëve të Massachusetts në Provincetoën, një vend i njohur pushimesh në Shtetet e Bashkuara, zbuluan se 75 % e njerëzve të infektuar ishin të vaksinuar. Midis të vaksinuarve dhe të pa vaksinuarve ngarkesa virale ishte e njëjtë. Ky zbulim sugjeron që të dy grupet kanë të njëjtën ngarkesë virale dhe përhapja e infeksionit është pothuajse e njëjtë nga të dy grupet ka paralajmëruar Qendra Amerikane për Kontrollin dhe Parandalimin e Sëmundjeve (CDC)”, thuhet në postim. Në postimin e Brataj thuhet se, sipas një kosulenti të presidentit amrikan Joe Biden, varianti Delta mund të shkaktojë të njëjtin nivel infektimi si te personat e vaksinuar dhe te ata të pavaksinuar. “Disa ditë më parë, profesor Anthony Fauci, konsulent i Presidentit amerikan Joe Biden, paralajmëroi se varianti Delta mund të shkaktojë të njëjtin nivel infektimi si te personat e vaksinuar dhe te ata të pavaksinuar”, shkruhet në postim. Ky studim ka ngritur shqetësim të madh, duke qenë se e gjithë bota po imunizohet për të shmangur mundësinë e infektimit. Për shkak të kësaj, është rekomanduar që personat e vaksinaur të mos e heqein maskën as në ambiente të mbyllura.