Dita e 19 e konfiktit mes Rusisë e Ukrainës, ka vijuar po me të njëjtat tensione, ndërsa bombarimdet nuk kanë të ndalur, e numri i viktimave vjen gjithnjë e më shumë duke u rritur. Këtë të hënë, autoritetet ruse kanë raportuar se një shpërthim i fuqishëm ka ndodhur pranë termocentralit bërthamor të Zaporizhzhya në Ukrainë. BBC raporton se kompania e energjisë bërthamore në Ukrainë, thekson se nuk është ende e qartë nëse nivelet e rrezatimit janë prekur nga shpërthimi apo jo, ndërsa një informacion më i detajuar dhe i qartë pritet të bëhet me dije në orët në vijim. Rusia mori kontrollin e stacionit më të madh bërthamor të Evropës më 4 mars, pas një sulmi me raketa që goditi centralin bërthamor, por pa prekur reaktorin bërthamor. Termocentrali bërthamor i Zaporizhzhya ndodhet i vendosur rreth 550 km në jug-lindje të kryeqytetit Kiev, në brigjet e lumit Dnieper dhe prodhon rreth 20% të të gjithë energjisë elektrike në Ukrainë.