Top News-Bombardime nga jashtë Ukrainës/Pentagoni: Avionët rusë evitojnë hapësirën ajrore ukrainase

Pentagoni thotë se disa avionë luftarakë rusë po evitojnë hapësirën ajrore ukrainase, në dukje për të evituar qëllimin nga sistemet ukrainase të mbrojtjes ajrore. Gjatë një vlerësimi të situatës, një zyrtar i lartë amerikan i mbrojtjes thotë se Pentagoni vlerëson se rusia po ngre në fluturimë rreth 200 avionë luftarakë cdo ditë, por shumë prej tyre nuk hyjnë fare në hapësirën ajrore ukrainase. Përkundrazi, rusët janë në gjendje të qëllojnë me raketa kruiz ajër tokë mbi ukrainë, nga ana ruse e kufirit. Analistët e mbrojtjes mendonin se Rusia mund të fitojë shpejt superioritet në ajër gjatë pushtimit të Ukrainës, por forcat ajrore ruse kanë luajtur pak rol ndërsa forcat në terren janë ndeshur me vështirësi në marrjen e qyteteve të mëdha përballë rezistencës së fortë ukrainase. Shumë vëzhgues prisnin që bombarduesit rusë të godisnin bateritë e raketave tokë ajër të ukrainës dhe sistemet e saj të radarëve, duke lënë bombarduesit superiorë në ajër si Su-35 të sulmonin avionët ukrainas lirisht. Por Rusia nuk mundi ta bënte këtë dhe forca ajrore ukrainase, ndonëse më e vogël në numër, dhe raketat e saj, kanë rrëzuar shumë avionë rusë. Po ahstu, edhe flota e helikopterëve luftarakë të rusisë nuk është përdorur shumë, një tjetër sinjal ky se komandantët rusë janë në dijeni të rreziqeve që paraqet mbrojtja ajrore dhe raketat që mbahen mbi sup si Stingerat që shba ka dërguar në Ukrainë. Në ditët e para të luftës në ukrainë, kërkuesit në Oryx, një blog që gjurmon humbjet e pajisjeve ushtarake përmes të dhënave të lira, zbuluan se rusia kishte humbur një numër avionësh ushtarakë për shkak të sistemeve mbrojtëse ukrainase.