Të martën dhe mëngjesin e kësaj të mërkure, luftimet kanë qenë të ashpra në shumë rajone të Ukrainës. Shtabi i Përgjithshëm i Forcave të Armatosura Ukrainase ka njoftuar se trupat ukrainase deri më tani kanë mbrojtur vijën e frontit përballë një ofensive të gjerë ruse në lindje të vendit dhe në disa rajone kanë kundërsulmuar me sukses. Rusia në anën tjetër ka pretenduar se ka qëlluar më shumë se 1200 shënjestra në ukrainë, me raketa, sulme ajrore dhe artileri ndërkohë që betejat nëpër rrugë kanë shpërthyer ndërsa trupat e Vladimir Putinit kanë nisur ofensivën e tyre të re në rajonin e Donbasit, në Ukrainën lindore. Trupat ruse kanë marrë kontrollin e qytetit lindor Kreminna, pas orësh bombardime të pandërprera, ndërsa përplasjet mes trupave të putinit dhe forcave ukrainase vazhdojnë.