Faqen e internetit të disa kompanive të fluturimit, bankave dhe ueb-eve të teknologjisë u rikthyen pas një rënieje masive të enjten. Ky incident i gjerë ishte i treti i shënuar në vetëm dy muaj, duke ngritur alarm nëpër rrjete sociale. Ofruesi i shërbimeve “Akamai” ka alarmuar për incidentin në shërbim duke theksuar se ka ndodhur një ndërprerje e pjesshme në faqen e tyre të uebit. “Ne kemi zbatuar një zgjidhje për këtë çështje dhe duke u bazuar në vrojtimet momentale, shërbimi po vazhdon në operim të zakonshëm”, thanë ata në “Tëitter” më vonë. Faqet e internetit të “Delta Air Lines”, “Costco”, “American Express” dhe “Home Depot” ranë përkohësisht të enjten. Në qershor, rënia e faqeve të internetit goditi rrjetet sociale, faqet e mediave dhe ato qeveritare nëpër botë, duke bërë që disa të drejtojnë gishtin te një problem tek një ofrues i shërbimeve me bazë në SHBA.