Në portat e detit të zi, tregtia është në kulm ndërsa anijet e transportit dhe cisternat e naftës lundrojnë nga zemra e Stambollit drejt porteve ruse dhe ukrainase. Vetëm pas ofensivës ruse në ukrainë më 24 shkurt dhe sanksioneve të para perëndimore, anijet më të mëdha të kompanive ndërkombëtare që lundronin në këto ujëra u zëvendësuan nga anije më të vogla. Numri total i anijeve në trajektore mbetet afër niveleve të paraluftës, afro 40 mijë. “Rusia, paturpësisht po vjedh grurin ukrainas dhe po e dërgon atë përtej detit nga Krimea, madje po e con edhe në Turqi”, thotë Vasyl Bodnar, ambasadori ukrainas në Ankara. “Vetëm në muajin maj ne numëruam të paktën 10 kalime anijesh përfshirë dy vajtje ardhje nga tre mjete me flamur rus...për të mos numëruar ato që na kanë shpëtuar...”, thotë ai. Ndërsa ka dënuar ofensivën ruse në Ukrainë, Turqiz e ka pozicionuar veten si një ndërmjetëse neutrale dhe ka refuzuar ti bashkohet sanksioneve të perënimit kundër Moskës. Edhe pse Ankaraja ka ndaluar kalimin e mjeteve ushtarake mes ngushticave të saj të dardaneleve dhe bosforit që nga fundi i shkurtit bazuar në traktatin e Montrosë, ajo nuk mundet të ndjekë apo pengojë anijet tregtare. Bashkimi evropian ka vendosur embargo për importet ruse, por cisterna me flamurë grekë apo maltezë, janë parë të lundrojnë përmes bosforit, drejt detit të zi, për në portet ruse. Pamjet: AFP