Malajzia ka kullën e saj të pjerrët ashtu si Pisa. - një ndërtesë me tulla dhe dru me një arkitekturë të stilit kinez që u ndërtua në shekullin e 19-të. Por përtej ngjashmërisë së saj, kulla 25.5 metra në mes të qytetit Teluk Intan, nuk ka shumw të përbashkëta me adashen e saj italiane në qytetin e Pizës. E ndërtuar në 1885 nga një kontraktor kinez, ndërtesa shërbeu si një kullë sahati për qytetin buzë lumit gjatë epokës koloniale britanike. "Ndërtesa u ndërtua në 1885. nga Britanikët dhe kontraktori ishte një kinez me emrin Leong Chong, Tashmë kulla është 136 vjeçare". E ngjashme me një faltore kineze nga jashtë, tetë kulmet e saj u japin vizitorëve për herë të parë përshtypjen se ka po aq dhoma, megjithëse në të vërtetë ka vetëm tre kate. Pjerrësia e kullës është rezultat i përmbytjeve masive në 1889 dhe 1895 që zbutën tokën dhe bënë që themelet e saj të zhyten në drejtim të perëndimit, megjithëse që atëherë është përforcuar dhe nuk ka parë më fundosje. "Kulla është e pjerrët për shkak të përmbytjeve, të cilat bënë që kulla të zhytej. Dallimi midis anës së djathtë dhe të majtë të kullës është rreth një pëllëmbë. Ky është specialiteti i saj. Në të kaluarën, njerëzit e quanin atë kulla e lartë e orës, ndërsa tani ata e quajnë kulla e pjerrët, për shkak të formës së saj. Edhe sot, kulla është një nga strukturat më të larta të rajonit megjithëse rezervuari i saj i ujit është i zbrazët. Kulla është një atraksion I zakonshme për vendasit dhe turistët dhe për më tepër i është dhënë statusi i trashëgimisë kombëtare.