Presidenti amerikan Joe Biden ka ngjallur sërish dyshime dhe shqetësime për shëndetin e tij mendor kësaj here nga podiumi i Shtëpisë së Bardhë. Vetëm pak ditë pasi habiti të gjithë teksa zgjaste dorën drejtuar në ajër një personi të padukshëm, Biden ka bërë sërish të njëjtin veprim, por kësaj radhe me të dyja duart. Kreu i shtëpisë së Bardhë u filmua duke i drejtuar duart pas podiumit mbasi përfundoi fjalimin edhe pse me të nuk ndodhej askush. Ky veprim shtangu sërish publikun dhe mediat amerikane duke hedhur aludime mbi shëndetin e liderit të tyre. Sjellja e presidentit ka bërë që të reagojnë edhe politikanët vendas, ku njëri prej tyre dhe pikërisht, senatori Ted Cruz shprehu shqetësim për gjendjen mendore të kreut të shtëpisë së bardhë. Shëndeti mendor i Presidentit Joe Biden është vënë sërish në pikëpyetje, pasi një sondazh të fundit ka zbuluar se 49% e votuesve mendojnë se Biden nuk është i aftë mendërisht.