Presidenti amerikan Joe Biden ka paralajmëruar luftën e Tretë Botërore pasi personalisht hodhi poshtë planet për të dërguar avionë luftarakë MiG nga Polonia në Ukrainë. Presidenti i Shteteve të Bashkuara të Amerikës tha se një kondlikt direkt mes Rusisë dhe NATO-s do të ishte katastrofik duke shtuar se ai do të mbronte cdo centimetër tokë të aleancës nëse kjo do të ishte e nevojshme. Kjo vjen pasi Polonia ofroi 28 avionët e saj ushtarakë, prodhim rus, për SHBA, por Biden bllokoi ofertën për shkak të frikës se ajo do të conte në luftën e tretë botërore. Më herët jëtë javë, Polonia tha se ishte gati të dërgonte MiG-ët e saj 29 në bazën amerikane të Ramsteinit në Gjermani, dhe ti vendoste ata në dispozicion të Amerikës. Zëdhënësi i pentagonit, John Kirby tha se kjo do të thoshte që avionët do të niseshin nga një bazë e NATO-s dhe do të fluturonin në një hapësirë ajrore të kontestuar me Rusinë. “Ne do të vazhdojmë të konsultohemi me Poloninë dhe vendet e tjera aleate të NATO-s për këtë cështje dhe për sfidat e vështira logjistike që ajo përfaqëson, por ne nuk besojmë se propozimi i Polonisë është i qëndrueshëm”, tha ai.