Ndërsa SHBA vendos për ndalimin e importeve të naftës ruse, BE-ja bën plane afatmesme. Presidentja e Komisionit të BE-së Ursula von der Leyen theksoi: "Ne duhet të çlirohemi nga varësia prej gazit, naftës dhe qymyrit nga Rusia". Por është e qartë, që këto masa nuk kanë efekt të menjëhershëm dhe as nuk janë të realizueshme afatshkurtër. Një plan i ri për të ardhmen e energjisë në Europë ka qenë prej kohësh duke u përgatitur në Bruksel – tani për shkak të luftës në Ukrainë plani po përshpejtohet. "REPoëer EU" është titulli i programit, lidhur me të cilin do të konsultohen në samitin në fundjavë krerët e BE-së. E ai do të konkretizohet para 2030-s. BE-ja duhet të bëhet e pavarur prej lëndëve djegëse fosile nga Rusia dhe bashkarisht të zhvillojë burime energjie të sigurta, me kosto të favorshme dhe të qendrueshme, deklarohet. Njëkohësisht duhen gjetur zgjidhje për rritjen e çmimeve të energjisë për konsumatorët dhe duhen mbushur rezervat e gazit për dimrin e ardhshëm. Ky ka qenë një plan i krijuar për arritjen e objektivave për klimën në 2050-ën, por tani duhet përshpejtuar. Dhe ky është problemi më i madh. Ekonomitë evropiane janë shumë të varura nga rusia me kryeministrin Kiril Petkov që paralajmëroi, se vendi i tij të gjithë energjinë e merr nga Rusia dhe nuk mund ta përballojë ndërprerjen e furnizimeve. Kancelari gjerman, Olaf Scholz beson ndërkohë, se edhe vendi më i pasur i BE-së nuk ia del dot.”Ne nuk mund ta sigurojmë ndryshe furnizimin, ndaj energjia „me vetëdije" është përjashtuar prej sanksioneve kundër Rusisë”, tha Scholz në një video-konferencë me presidentin amerikan Joe Biden.