Ligji i ri për Bastet Sportive Online forcon kriteret për të marrë liçencën e ushtrimit të aktivitet dhe i jep tagër ministrisë së financave dhe zëvendëskryeministres të jenë në krye të dhënies së liçencave dhe administrimit të fondeve të basteve sportive online. Sipas draftit të hedhur për konsultim publik, do të ngrihet Komisioni i Licencave, i cili ka në përbërje tre përfaqësues nga ministria përgjegjëse për financat dhe ekonominë, një nga ministria përgjegjëse per çështjet sociale dhe një anëtar nga AKSHI. Brenda 30 ditëve pasi aplikanti të jetë shpallur fitues, ministri miraton dhënien e licencës, për një periudhë dhjetë vjeçare.