Top News- Avionët italianë monitorojnë Rusinë!/Roma në gatishmëri për mbrojtjen e kufijve të NATO

Ndërkohë që lufta në Ukrainë është ndezur prej 4 muajsh, NATO po forcon krahun verior të Aleancës, i cili mund të kthenet në një tjetër front i ri i nxehtë. Për këtë arsye dhe Italia ka dërguar disa nga avionët e saj luftarakë më modernë F35, të cilët prej ditësh po fluturojnë mbi Islandë dhe po monitorojnë dhe Rusinë. Mediat kanë zbuluar se kontingjenti italian ka marrë urdhër për një ndërhyrje të menjëhershme, nëse do të ketë raste të shkeljes së hapësirës ajrore. Në kuadër të aktiviteteve të përbashkëta, 2 avionë F-35B të Forcave Ajrore Italiane u vendosën për një javë në bazën Keflavik për të kryer misione stërvitore në zona të thella dhe me klimë të ftohtë. Lëvizja vjen pasi ushtria italiane lëshoi urdhër për vendosjen e forcave në gadishmëri, duke kërkuar mobilizimin e ushtarëve, mjeteve ushtarake dhe strukturat shëndetësore të ushtrisë.