Ky është momenti kur dy persona që udhëtojnë me motoçikletë tentojnë të qëllojnë me armë në drejtim të 32-vjeçarit Arlind Bushati, që ishte ulur në qendër të Shkodrës. Atentati dështoi nën dyshimet se autorëve nuk iu shkrep arma. Në atë rast, ngjarja shkaktoi vetëm panik mes personave të ulur në lokalin në fjalë, ndërsa Arlind Bushati iu drejtua policisë ku bëri një denoncim se persona të maskuar dhe që lëviznin me motoçikletë i kanë drejtuar armën. Ai bëri një denoncim në policinë vendore, por pa bërë të ditur nëse kishte identifikuar apo jo autorët. Fatkeqësisht, pasditen e së mërkurës Arlind Bushati nuk ka pasur të njëjtin fat. Autorët e qëlluan në një rrugë në lagjen e Dobraçit, duke e lënë të vdekur së bashku me Hamza Licin, vëllain e Ibrahim Licit, një emër i njohur ky në Shkodër.