Astronauti amerikan Mark Vande Hei, thuajse po mbush vitin në hapësirë, por tani përballet me atë që und të jetë misioni më delikat i mundshëm....të ngjitet në një kapsurë ruse për tu kthyer në tokë, në mesin e tensioneve në rritje mes vendeve. NASA insiston se planet për kthim në tokë të Vande Heit, në fund të muajit, mbeten të pandryshuara, edhe pse pushtimi rus i ukrainas ka cuar në anulimin e fluturimeve, shkeljen e kontratave dhe përshkallëzimin e retorikave nga ana e agjencisë hapësinore ruse dhe drejtuesit të saj të linjës së ashpër. Shumëkush shqetësohet se Dmitry Rogozin, po shkelmon dekada të tëra të një partnershipi paqësor në hapësirë, ose më saktësisht, në stacionin hapësinor ndërkombëtar. Vande Hei, që të martën theu rekordin e qëndrimit në hapësirë të një amerikani, prej 340 ditësh, duhet të largohet bashkë me dy kozmonautë rusë, në bordin e një kapsule Soyuz për tu ulur në kazakistan më 30 mars. Astronauti atëherë, do të ketë mbushur plot 355 ditë në hapësirë. Rekordi botëror prej 438 ditësh rresht në hapësirë, mbahet nga rusia. Një astronaut në pension i NASA-s, Scott Kelly, është mes atyre që nuk ëhstë kursyer ndaj Rogozin, aleat i hershëm i Putinit. I zemëruar nga ajo që po ndodh në Ukrainë, Kelly ka kthyer mbrapsht medaljen e tij ruse për eksplorim të hapësirës, në ambasadën ruse në Uashington. Pavarësisht luftës në tokë, kelly sidoqoftë beson se të dyja palët, mund të vazhdojnë të punojnë bashkë, në hapësirë.