Një asteroid masiv, me përmasa dy herë më të mëdha se të Empire State Building, do të kalojë pranë tokës në vetëm pak ditë. I njohur si 418135, ky shkëmb i madh hapësinor ka një diametër që mund të shkojë deri në 780 metra. Asteroidi do të kalojë pranë tokës të enjten e 28 prillit, në orën 3.46 minuta të mëngjesit, sipas orës sonë, duke fluturuar me një shpejtësi prej afro 40 mijë km në orë. Sipas NASA-s asteroidi do të kalojë pranë tokës në një largësi prej rreth 3 milionë e 200 mijë kilometrash. Për ta kuptuar më mirë, hëna rrotullohet rreth tokës në një largësi prej afro 390 mijë kilometrash, pra ai do të jetë shumë më larg, por nëse flasim me parametra kozmikë, asteroidi mbetet shumë afër tokës. Dhe fakti që ai po afrohet kaq shumë, nuk është aspak surprizë. Ai njihet si një asteroid i klasit Apollo, cka do të thotë se orbita rreth diellit përfshin orbitën e vetë tokës. Sidoqoftë, NASA thotë se nuk ka asnjë rrezik për planetin tonë. Ajo parashikon se toka nuk është e rrezikuar nga asteroidët të paktën deri në shekullin e ardhshëm.