Një numër i madh fluturimesh në drejtim të Italisë janë anuluar këtë të premte. Shkak është bërë një grevë e personelit të trafikut ajror në vendin fqinj. Nëpërmjet një njoftimi në faqen zyrtare të Facebook, Aeroporti I Tiranës ka njoftuar anulimin e fluturimeve të parashikuara këtë të premte drejt shtetit italian dhe anasjelltas. Aeroporti I Tiranës thotë se nuk do të ketë fluturime në aeroportet e Barit, Bolonjës, Ankonës, Bergamos, Veronës, Milanos, Genovas, Riminit dhe Romës, ikje dhe ardhje drejt kryeqytetit tonë. Përjashtim do të bëjnë fluturimet e ambulancës, ato të kërkim-shpëtimit dhe për ndihma humanitare. Për këtë arsye, TIA iu kërkon pasagjerëve që kanë fluturime të parashikuara për ditën e sotme që të kontaktojnë me kompanitë respektive për të verifikuar statusin e fluturimit të tyre