Mediat italiane kanë ngritur shqetësime për një anije misterioze që ndodhet në jug të Siçilisë. Sipas gazetës italiane La Repubblica, një anije ruse me 146 pasagjerë, shumë prej të cilëve thuhet se janë spiunë, ndodhet pranë brigjeve italiane. Kjo është anija Vasily Tatishchev, e njohur në NATO me kodin Meridian, 95 metra e gjatë. Sipas “La Repubblica”, shumica e njerëzve në bord janë spiunë rusë të cilët janë të specializuar në gjurmimin dhe analizimin e mesazheve të dërguara nga vendet "armiqësore ndaj Rusisë" nëpërmjer radarëve dhe kodit mors.