Qeveria britanike po merr në konsideratë mundësinë e shtyrjes së heqjes së kufizimeve për koronavirusin edhe me katër javë të tjera. Faza finale e heqjes së kufizimeve, ishte planifikuar të përmbyllej deri më 21 qershor, por sipas burimeve, do të duhet edhe pak kohë më shumë. Kjo për shkak të shqetësimeve në rritje për numrin e infektimeve si edhe transmetimin më të lartë të variantit Delta. Burime nga Doëning Street thonë se asnjë vendim nuk është marrë ende. Të dhënat po ekzaminohen para njoftimit final që duket se do të jepet të hënën, por burimet thonë se një numër opsionesh po merren në konsideratë dhe një vonesë prej katër javësh e heqjes së kufizimeve është opsioni më i mundshëm. Duke shtyrë datën do të mundësohej që programi i vaksinimit të kishte më shumë efekt ndërkohë që vaksinimi tani po kalon tek grupe moshe më të reja. The Times dhe The Sun raportuan fillimisht se ministrat po merrnin në konsideratë shtyrjen. Në fazën e fundit të zbutjes së masave në angli, do të ndodhte rihapja e klubeve të natës dhe dhënia fund e kufizimeve për performcat, martesat apo evente të tjera. Por kryeministri Boris Johnson është përballur me presion në rritje për të shtyrë hapjen e plotë.