Tre persona kanë humbur jetën në një aksident rrugor që ndodhi në orët e para të mëngjesitnë aksin rrugor Milot-Mamurras. Viktimat po udhëtonin në një mjet tip “Toyota”, që ka qenë duke qarkulluar në aksin rrugor Milot-Mamurras rreth orës 2 të mëngjesit të kësaj të mërkure. Drejtuesi i mjetit ka humbur kontrollin duke shkatërruar plotësisht bordurën e aksit rrugor. Si rezultat i përplasjes së fortë automjeti ka përfunduar në kanalin me ujë. Dyshohet se shkak për aksidentin mund të ketë qenë shpejtësia e lartë, por edhe errësira në këtë segment rrugor. Megjithatë autoritetet policore shkuan në vendngjarje për të zbardhur plotësisht rrethanat që shkaktuan aksidentin fatal dhe kryen veprimet proceduriale. Si pasojë e aksidentit tragjik kanë humbur jetën Saber Dunga 45 vjeç, banues në Durrës dhe Urim Pepa, 39 vjeç, banues në Tiranë. Ndërsa viktima e tretë është Nikoll Gjoni, banues në fshatin Gjegjan të Pukës. Për gjetjen e trupit të viktimës së tretë është dashur ndërhyrja e polumbarëve, pasi ai kishte rënë në thellësi të kanalit me ujë. Në fillim u mendua se ishin vetëm dy viktima, por Policia pati dyshime dhe pas kontrollit u gjet edhe viktima e e tretë e këtij aksidenti. Në vendin e ngjarjes është dashur edhe ndërhyrja e shërbimt zjarrfikses, dhe shërbimeve të tjera.