Shkencëtarët në Argjentinën jugore kanë zbuluar kafkën e një dinozauri mish ngrënës që në gjuhën lokale Mapuche, quhet “ai që shkakton frikë”. Aliocranianus Llukalkan, me brirë, ishte rreth 5 metra i gjatë dhe ka jetuar në amerikën e jugut 85 milionë vite më parë. Kërkuesit gjetën eshtrat e tij afër një dinozauri tjetër mishngrënës, dicka që ata thonë se ishte shumë e pazakontë. Zbulimi në Patagoni u publikua të martën. Ashtu si Tiranozauri rex, dinozauri Llukalkan, kishte dy këmbë dhe krahë shumë të shkurtër, por kishte përmasa mesatare nëse krahasohej me gjigandin T.rex. Ai kishte edhe brirë të shkurtër dhe gishta të vegjël. Vlerësohet se ai peshonte nga një deri në pesë tonë, ndjeshëm më i lehtë se një elefant afrikan i rritur. Ai me gjasë ishte gjahtari më i frikshëm, me një kafkë të madhe dhe me nofulla të forta. Zbulimet sugjerojnë se ai kishte dëgjim më të mirë se dinozaurët e tjerë cka edhe e kishte bërë gjahtar më të mirë. Ai ka jetuar në erën e fundit para se dinozaurët të zhdukeshin.