Yjet e hollivudit Jennifer Lopez dhe Ben Affleck janë martuar në Las Vegas. Lajmi është konfirmuar nga vetë Lopez, e cila ka shkruar në llogarinë e saj në mediat sociale: “Po, e bëmë. Dashuria është e bukur. Dashuria është e ëmbël. Dhe rezulton se dashuria është edhe e duruar. 20 vite durim”. Cifti anuloi fejesën e parë të tyre në janar 2004. Lajmi se ata janë lidhur sërish, bëri që të entuziazmoheshin fansat vitin e kaluar, ndërsa të dy ata e shpalosën dashurinë e tyre në mediat sociale. Zyra e klerikëve në kontenë Klark, në Nevada, ku edhe ndodhet Las Vegasi, tregoi nga sistemi i saj i të dhënave se Lopez edhe kishte ndryshuar emrin e saj në Jennifer Affleck. Vetë Jenniffer tha se cifti kishte udhëtuar drejt Las Vegasit të shtunën dhe kishte pritur radhën për tu martuar, bashkë me katër cifte të tjera.