Shefi i shtabit të përgjithshëm, Gjenerali mark Milley, javën e kaluar vizitoi një bazë ajrore sekrete afër kufirit me ukrainën, që ëhstë bërë qendra nga ku nisen armatimet drejt vendit që po lufton me forcat e putinit – thotë një zyrtar amerikan i mbrojtjes. Sipas tij, Milley pa nga afër përpjekjen ndërkombëtare për ti dërguar armë ukrainës në mesin e këtij pushtimi të paprovokuar nga ana e Rusisë. Ndërsa ishte në bazën ajrore, Milley u takua me trupat dhe personelin dhe ekzaminoi aktivitetin – tha zyrtari. Vendi, sipas tij është shndërruar në një koshere bletësh për sa i takon aktivitetit, duke kaluar nga disa fluturime në një ditë në deri në 17 të tilla, që përbën edhe kapacitetin maksimal të pistës ajrore. Vendndodhja e aeroportit mbetet sekret për të mbrojtur ngarkesat e armatimeve, mes të cilave edhe raketa anti tank, që shkojnë drejt Ukrainës. Ushtria ruse nuk i ka vënë në shënjestër këto ngarkesa pasi ato hyjnë në Ukrainë – tha zyrtari – por ka shqetësim se rusia mund të fillojë ti godasë ato ndërkohë që sulmet e saj avancojnë. Që para se rusia të niste pushtimin, në fund të muajit të shkuar, qiejt mbi evropë kanë qenë të mbushur me avionë ushtarakë amerikanë dhe të tjerë.fluturimet kanë ripozicionuar trupat në skajin lindor të NATO-s por edhe kanë zhvendosur armatimet në pikat e transferimit nga ku mund të nisen më pas drejt ukrainës. Dhe i gjithë ky aktivitet është shumëfishuar tashmë.