Presidenti ukrainas, Volodymyr Zelenskiy ka bërë thirrje sërish që shtetet e Perëndimit të dërgojnë më shumë armë në Ukrainë. “Ne nuk frikësohemi nga asgjë, sepse ne e dimë për çfarë jemi duke luftuar”, ka thënë Zelensky në një postim në Tëitter. “Ne kemi mjaftueshëm kurajë për t’i dhënë fund djallëzisë. Mos e ushqeni makinën ushtarake ruse. Ndihmojeni Ukrainën me armë. Paqja dhe e mira më pas do të fitojnë më shpejt”. Një ditë pas fundosjes së anijes ruse Moskva, Zelensky ka përshëndetur njerëzit e tij për gatishmërinë që kanë treguar prej kur Rusia ka nisur pushtimin në Ukrainë duke thënë se “vendimi për të luftuar është më i rëndësishmi në jetën e tyre”. Zelensky u ka thënë ukrainasve se ata duhet të jenë krenarë që kanë mbijetuar 50 ditë nën sulmin rus, kur pushtuesi “na ka dhënë një maksimum prej pesë ditësh”.