Policia në Tiranës gjatë 24 orëve të fundit ka arrestuar 5 shoferë. 2 prej tyre janë vënë në pranga si shkaktarë aksidentesh me pasoja plagosje të këmbësorëve, ndërsa 3 të tjerët se u kapën duke drejtuar makinë të dehur. Policia Rrugore e Tiranës ka vijuar kontrollet në kuadër të masave të marra për parandalimin e aksidenteve rrugore dhe rritjen e parametrave të sigurisë në rrugë. Veç 5 të arrestuarve, gjatë 24 orëve të fundit janë pezulluar 42 leje drejtimi, nga këto 28 për shpejtësi tej normave të lejuara, 8 për drejtim mjeti nën efektin e alkoolit dhe 6 për shkelje të tjera që kanë masë plotësuese pezullimin e lejes së drejtimit. Gjithashtu policia ka vendosur në total 457 gjoba në këto 24 orë, për shkelje të dnryshmë të kodit rrugor si për mos vendosje të rripit të sigurimit, për mosvendosje të kaskës mbrojtëse, për përdorim të aparatit celular gjatë drejtimit të mjetit, për shkelje të semaforit, etj.