Shqiptarët vijojnë të zenë një pjesë të mirë të skenës në trafikun ndërkombëtare të kokainës nga vendet e Amerikës Latine në drejtim të Bashkimit Europian dhe Shteteve të Bashkuara. Kohët e fundit, autoritetet amerikane kanë vendosur një shpërblim prej 5 milionë dollarësh për Daniel Joseph Kinahan, i njohur ndryshe si bosi irlandez i drogës. Sipas të dhënave zyrtare kryemafiozi irlandez ka bashkëpunim të ngushtë me një shqiptar që ka si rol furnizimin e Bashkimit Europian me kokainë. Përveç shqiptarit Kinahan e kishte shtrirë zonën e tij të influencës në tregun e drogë dhe përmes bashkëpunimit me një bande serbe. Serbët dhe shqiptari siguronin që kokaina të kalonte e sigurt në vendet e Ballkanit dhe të mbërrinte në destinacion tek porositësit që më pas e shpërndanin në tregjet e lokale. 44 vjeçari irlandez ka një marrëdhënie të ngushtë me kartelin e Klanit të Gjirit në Kolumbi, i cili ishte furnizuesi kryesor i kartelit me narkotikë nga Amerika e Jugut. Aktualisht ai dyshohet se fshihet në Dubai, i cili në vitet e fundit është bërë një vendstrehim për shumë krerë mafiozë, mes të cilëve dhe shqiptarë. Daniel Joseph Kinahan konsiderohet një bos bandash me reputacion irlandez dhe promovues boksi nga Dublini . Ai është emëruar nga Gjykata e Lartë e Irlandës si një figurë e lartë në krimin e organizuar në shkallë globale.