Një ndjekje nga policia para mesnatës ka qenë momenti i fundit per jetën e 32-vjeçarit Laer Kurti. I riu, rreth orës 23.00 të mbrëmjes të së mërkurës, ka qenë duke ecur në rrugën “Riza Cuka”, kur policia i ka kërkuar të ndalojë për t’i dhënë kësaj të fundit dokumentet e identifikimit. Në këtë moment, Laer Kurti ia ka mbathur me vrap dhe forcat blu, janë vënë në ndjekje të të riut, të cilin arritën ta ndalonin në rrugën “Don Bosko”, duke kryer më pas edhe shoqërimin e tij në ambientet e Komisariatit të Policisë Nr. 3 në Tiranë.