Top News-21 të huaj, shqiptarë me firmën e Begajt/Dy dekrete në 4 ditë, vendimet në Fletoren Zyrtare

Që prej marrjes së detyrës si President i Republikës, Bajram Begaj ka firmosur 14 dekrete të ndryshme, të publikuara edhe në faqen zyrtare të Presidencës. Këto dekrete janë kryesisht për shpallje ligjji apo edhe emërim ose lirim nga detyra. Por krahas kësaj, në fletoren zyrtare, në botimet e datës 12 dhe 13 tetor, janë publikuar edhe dy dekrete të tjera të Presidentit. Në botimin e 12 tetorit, në Fletoren Zyrtare janë publikuar emrat e 9 qytetarëve që kanë përfituar shtetësinë shqiptare, me dekret të datës 6 tetor, ndërsa vetëm 4 ditë më vonë, përkatësisht më 10 tetor, Presidenti ka nënshkruar dekretin për dhënien e shtetësisë edhe për 12 qytetarë të tjerë.