Në ditën e fundit të muajit gusht, lajmi që mbushi faqet e mediave në Shqipëri ishte largimi i bujshëm nga detyra i Gledis Nanos, pa bërë ende një vit në detyrën e kreut të policisë së shtetit. Pavarësisht mënyrës, apo shkarkimit të tij nga detyra, Rama prezantoi pa asnjë vonesë drejtorin e ri të policisë së shtetit, të cilit i vuri edhe një ultimatum, për ta kthyer policinë në standardin e duhur. Në fakt, vetë Policia betejat kryesore i ka me krimin e organizuar, kultivimin e narkotikëve dhe pastrimin e efektivave të saj nga të korruptuarit. Drejtori Muhamet Rrumbullaku nuk vonoi shumë dhe nisi me ndryshimet në radhët e drejtuesve, ku konkretisht u emëruan dy drejtorë të rinj në Durrës dhe në Dibër, si një shenjë se për të afati 100 ditor ishte edhe për tyë gjithë vartësit në të gjithë vendin.