Gratë në ukrainë, që kanë marrë armët për të mbrojtur vendin dhe për të mundur Vladimir Putinin, i thonë këtij të fundit: Ti ke vrarë fëmijët tanë, tani do ta paguash. Ushtaret femra janë mes trupave në vijën e parë të frontit duke luftuar kundër trupave ruse në lindje të ukrainës. Dhe mijëra të tjera ndërkohë, nëpër rrugët e qytetit, po mësojnë të përdorin kallashnikovë dhe të luftojnë. Të tjera, i kanë ndalur jetët e tyre atje ku ishin para 24 shkurtit, dhe po bëjnë rrjeta kamuflazhi apo ndihmojnë për tu kujdesur për mijëra refugjatët e larguar nga shtëpitë e tyre. Është një përpjekje e pabesueshme nga të gjitha gratë e ukrainës që janë të bindura se ndihma e tyre do të ketë peshë në mundjen e trupave ruse. Zyrtarët këtë javë, postuan foto të disa ushtareve femra në vijën e frontit, me rastin e ditës ndërkombëtare të gruas. Një prej atyre grave që luftojnë në vend thotë për mediat britanike: Sigurisht gratë janë në vijën e frontit në të gjithë Ukrainën lindore. Ato po luftojnë në krah të burrave në cdo kohë”. Në Lviv, gratë nuk e kishin ëndërruar kurrë ti bashkoheshin ushtrisë por tani po mësojnë gjërat kryesore, si të qëllojnë, si të rimbushin dhe si të pastrojnë një kallashnikov.